განცხადება
სს გეს „საქრუსენერგო“ გიწვევთ ფასთა გამოკითხვის (კონკურსის) პროცედურაში მონაწილეობის მისაღებად
შესყიდვის ობიექტი: 500 კვ ელექტროგადამცემ ხაზებზე, „ქართლი-1“-ის ფოლადის ანძების ანტიკოროზიული დაცვის სამუშაოები.
ქ.თბილისი
8 აპრილი 2024 წ.
- სს გეს „საქრუსენერგო“ შემდგომში „შემსყიდველი” ფლობს სახსრებს მითითებული სამუშაოს შესყიდვისათვის. ეს სახსრები გამოყენებული იქნება ამ პროცედურის ჩატარების შედეგად დადებული შესყიდვის შესახებ ხელშეკრულების შესრულების უზრუნველსაყოფად. შემსყიდველი პასუხისმგებელია აღნიშნული პროცედურის დადგენილი წესის შესაბამისად განხორციელებაზე. უფლებამოსილია პრეტენდენტების შერჩევის მიზნით შეაფასოს მათი განაცხადები და გამარჯვებულის გამოვლენიდან არაუგვიანეს 10 (ათი) დღისა დადოს მასთან შესყიდვის შესახებ ხელშეკრულება.
წინამდებარე კონკურსის ტექნიკური დავალებით გათვალისწინებულია ფოლადის ანძების ანტიკოროზიული დაცვის სამუშაოების შესრულება, რომელიც მოითხოვს, 500 კვ ეგხ „ქართლი-1“-ის გამორთვას დაგეგმილი სამუშაოების მიმდინარეობის დროს გარკვეული პერიოდით. აღნიშნული გამორთვა შეთანხმებულია საქართველოს ეროვნულ სადისპეტჩერო ცენტრთან. არსებული გამოცდილების გათვალისწინებით სახელმწიფო და საზოგადოებრივი ინტერესებიდან გამომდინარე შესაძლებელია გმორთვის პერიოდის გარკვეული ვადით შემცირება ან/და სრულად გაუქმება.
- ზემოაღნიშნულიდან გამომდინარე, შემსყიდველი გიწვევთ ფასთა გამოკითხვის (კონკურსის) პროცედურაში მონაწილეობის მისაღებად და გთხოვთ წარმოადგინოთ თქვენი განაცხადი შემდეგი დოკუმენტებისა და ფორმების მიხედვით:
ა) განცხადება მონაწილეობაზე (ფორმა N2);
ბ) ტექნიკური დავლება, სამუშაოების შესრულების ვადები (ფორმა N3);
გ) შესასრულებელი სამუშაოების ფასების ცხრილი, ფოლადის ანძების წონები, ანტიკოროზიული დაცვის სამუშაოების მოცულობები და შესაღები ანძების ესკიზები (ფორმა N4);
დ) ავანსის მოთხოვნის შემთხვევაში იგი არ უნდა აღემატებოდეს ხელშეკრულების ღირებულების 30%-ს. მიმწოდებელი ვალდებულია წარმოადგინოს საბანკო გარანტია (სადაზღვევო კომპანიის მიერ გაცემული გარანტია არ მიიღება) მოთხოვნილი ავანსის შესაბამის ოდენობაზე რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს სამუშაოს შესრულების ვადას.
ე) ხელშეკრულების გაფორმების შემდეგ მიმწოდებელი ვალდებულია 10 (ათი) საბანკო დღის განმავლობაში წარმოადგინოს ხელშეკრულების შესრულების უზრუნველყოფის საბანკო გარანტია, ხელშეკრულების ღირებულების 3,5%-ს (სადაზღვევო კომპანიის მიერ გაცემული გარანტია არ მიიღება) ოდენობით. რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს სამუშაოს შესრულების ვადას.
ვ) პრეტენდენტი უნდა აკმაყოფილებდეს მითითებულ კრიტერიუმებს და უნდა წარმოადგინოს მოთხოვნილი ინფორმაცია და მათი დამადასტურებელი დოკუმენტაცია:
- ბოლო 5 (ხუთი) წლის განმავლობაში ანტიკოროზიული სამუშაოების შესრულების გამოცდილების დამადასტურებელი დოკუმენტაცია;
- კომპანიაში დასაქმებული პერსონალის ელექტროუსაფრთხოების ჯგუფებისა და მემაღლივის კვალიფიკაციის დამადასტურებელი ცნობა (მოწმობა) – ბრიგადების მიხედვით;
- ცნობა რომ არ ერიცხება დავალიანება ბიუჯეტის წინაშე;
- ცნობა რომ ქონებას არ აქვს დადებული ყადაღა;
- ცნობა რომ არ მიმდინარეობს კომპანიის ლიკვიდაცია ან რეორგანიზაცია;
- შეფასებას ექვემდებარება მხოლოდ ის წინადადებები რომლებიც შეესაბამება ტექნიკური დავალებით განსაზღვრულ მოთხოვნებს და შესყიდვისთვის გათავლისწინებულ თანხობრივ პარამეტრს.
- განაცხადი უნდა წარმოადგინოთ დახურულ კონვერტში შემდეგ მისამართზე: ქ. თბილისი მარკ ბრონშტეინის N1, სს გეს „საქრუსენერგო“-ს შესყიდვების სამსახური.
- განაცხადის მიღების ბოლო ვადაა 2024 წ. 17 აპრილის 17:00 საათი. აღნიშნული ვადის გასვლის შემდეგ წარმოდგენილი განაცხადი არ განიხილება.
- განაცხადები შეფასდება 2024 წ. 17 აპრილს შემდეგ მისამართზე: ქ. თბილისი მარკ ბრონშტეინის N1, სს გეს „საქრუსენერგო“.
- განაცხადი შედგენილი უნდა იყოს ქართულ ენაზე და წარდგენილი მე-3 პუნქტში მითითებულ მისამართზე დალუქულ კონვერტში წინააღმდეგ შემთხვევაში წინადადება არ განიხილება.
- ფასები შემოთავაზებულ უნდა იქნას ეროვნულ ვალუტაში (სხვა ვალუტაში წარმოდგენილი წინადადება არ განიხილება);
- მიწოდება იწარმოებს ფასებისა და მიწოდების ვადების (სამუშაოების შესრულების ვადა) შესახებ წარმოდგენილი ინფორმაციის შესაბამისად.
- პრეტენდენტის მიერ წარმოდგენილი განაცხადი კონკურსში მონაწილეობის თაობაზე ძალაშია მინიმუმ 30 (ოცდაათი) კალენდარული დღის განმავლობაში მისი წარდგენის დღიდან.
- შემოსული განაცხადის შეფასება იწარმოებს მისი ტექნიკურ დავალებასთან შესაბამისობის მიხედვით. განაცხადი, რომელიც არ პასუხობს მე-2 და მე-3 პუნქტებში აღნიშნულ პირობებს იქნება უარყოფილი, როგორც ფასთა გამოკითხვის (კონკურსის) პროცედურაში, განცხადებაში მითითებულ მოთხოვნებთან შეუსაბამო.
- გამარჯვებულად მიიჩნევა და შესყიდვის შესახებ ხელშეკრულება დაიდება შემსყიდველ ორგანიზაციასა და იმ მიმწოდებელს შორის, რომელმაც წარმოადგინა უმცირესი ფასი და რომელიც აკმაყოფილებს შემსყიდველი ორგანიზაციის მოთხოვნებს.
დამატებითი ინფორმაციის მისაღებად გთხოვთ დაგვიკავშირდეთ
მობ: შესყიდვების სამსახური – 5 95 00 33 33, 597 58 78 58
ტექნიკური სამსახური – 5 99 09 95 10
